Já ég held ég sé bara flutt hingað http://www.katosk.com svo þarf ég bara að vera duglegri að skrifa og setja inn myndir

Elsku Hilmir og Lilja Sif til hamingju með afmælin í dag   Hilmir hlýtur nú að fá almennilega veislu í dag búandi í USA en Lilja mín ég skal halda uppi stuðinu heima hjá þér í kvöld, viltu að ég komi með flugelda og alles?? hehehehe

Við skulum bara segja að ég hafi verið í sumarfrí þar sem ég hef ekkert haft að segja hérna upp á síðkastið.  Lífið gengur bara sinn vanagang, brjálað að gera í vinnunni og svo bara nenni ég einfaldlega ekki að fara í tölvuna á kvöldin þannig að ég fer frekar og geri eitthvað annað.  Þarf að vísu að kveikja á tölvunni fyrir hallærislega fjarnámið sem ég er í til að læra á myndavélina mína og kostaði bunch miðað við gæði verð ég að segja en ég ætla nú samt ekki alveg að drepa þetta hérna áður en ég klára þetta.  Nú svo langar mig svo svakalega að taka mótorhjólapróf en hef ekki drullað mér í það að panta mér tíma í kennslu og að lokum er ég að berjast við að reyna að læra á gítarinn minn en hef enga þolinmæði í þetta svona sjálf heima þannig að ég ætti kannski að skrá mig bara á námskeið.  Það er bara þannig með mig að ég fer ekki á námskeið nema að kunna smá og núna er ég t.d. búin að læra að keyra mótorhjól í fyrsta gír en hef mig ekki í að panta tíma fyrr en ég hef lært að skipta upp hehehe æ ég veit ég er spes

Hey svo bara hafði ég alveg fullt að segja, hver veit nema að ég láti heyrast meira í mér þennan mánuðinn en þann síðasta

Já síðustu tvær vikur eru búnar að vera yndislegar, búin að fara til Alicante með vinnunni sem var geggjuð ferð frá A-Ö og eftir þá ferð fór ég beint á Patró á Reunion sem var líka geggjað frá A-Ö.  Eina erfiða í þessu öllu saman var öll þessi drykkja haha og ég get sagt ykkur það að aldrei aldrei aldrei aftur ætla ég að drekka svona mikið áfengi.  Ég er búin að sjá það að ég verð aldrei alki hehe sérstaklega ekki eftir að ég endaði með lungnabólgu eftir þetta allt saman úff en sem betur fer er ég komin á pensilín til að hreinsa þetta ógeð úr mér.  Ég ætla nú að henda inn myndum við tækifæri en núna ætla ég að fara að læra á myndavélina mína þar sem ég er búin að skrá mig í ljósmyndun í fjarnámi, eitthvað stutt námskeið til að læra á vélina mína

Ég var á hljómsveitaræfingu í gær og við vorum að spila lagið Does your mother know með Abba sem er mjög svo skemmtilegt lag nema hvað að honum Jónasi fannst textinn soldið perralegur þar sem þarna er verið að syngja um unga stúlku hehe   Hérna er smá texti en þið verðið eiginlega að smella á linkinn hérna að ofan og hlusta á lagið:

I can see what you want
But you seem pretty young to be searching for that kind of fun
So maybe I'm not the one
Now you're so cute, I like your style
And I know what you mean when you give me a flash of that smile (smile)
But girl you're only a child

Well I can dance with you honey
If you think it's funny
Does your mother know that you're out?
And I can chat with you baby
Flirt a little maybe
Does your mother know that you're out?

Nema hvað að svo sagði hann mér frá lagi sem var einu sinni í Eurovision og er eiginlega líka soldið perralegt ef maður fer að spá í textann og það er lagið Save your kisses for me
en síðasta erindið í því lagi er svona:

Kisses for me
Save all your kisses for me
Bye bye baby bye bye
Don't cry honey don't cry
Won't You save them for me
Even though you're only three...

hmmm maður þarf að fara að hlusta á textana í þessum lögum.   Mér finnst þetta nú bara soldið fyndið í þessum lögum og vona að þetta hafi nú bara verið samið í sakleysi en hvað veit maður :/  Hvað finnst ykkur??

Ég er sjúklega pirruð núna og ekki bætti úr því að ég var búin að skrifa hérna langan pistil um pirringinn minn og hann hvarf, dísuss hvað ég þarf að nota sumarið í að koma katosk.com í gagnið!

Ekki það að ég sé vön að blogga um mín vandamál þá ætla ég nú bara samt að gera það núna þar sem ég er mjög svo pirruð út í einn lækni hérna á okkar blessaða landi. 

Þannig er mál með vexti að ég er mjög blóð og járnlítil kona og má þar af leiðandi ekki fá hana Rósu frænku í heimsókn if you know what I mean   Nema hvað að ég er búin að fara til kvensjúkdómalæknis sem mér var bent á að væri klár í að koma svona veseniskonum eins og mér í lag.  Nú hún vill bara að ég fái mér hormónalykkju sem satt best að segja ég tími alls ekki að fá mér, hef þannig lagað ekkert á móti henni en vil bara ekki kaupa hana nema að ég ætli mér ekki að eignast börn næstu 2-3 árin sem er n.b. vonandi ekki að fara að gerast hjá mér hehe   Nú ég bjalla í konuna í gær þar sem ég er búin að vera í vandræðum og spyr hvort það sé nú ekki eitthvað annað sem ég get gert mér til bjargar og ég fæ bara NEI þú verður bara að fá þessa lykkju og spyr svo hvort ég sé í sambandi sem ég svara neitandi og þá segir hún nú þá ertu hvort sem er ekekrt að fara að verða ólétt næstu 2 árin, þú þarft að kynnast manni og vera með honum í 1-2 ár áður en þú ferð að hugsa um barneignir.  Ég sagði nú svona í gamni á móti "ég gæti nú alveg kynnst manni á morgun" og þá bara fékk ég skammir frá kellu, þú ert nú ekki að fara að verða ólétt eftir mann sem þú hefur þekkt í tvo daga, þú þarft að kynnast manninum og ferð ekkert að eignast barn með manni nema hann sé góður og bla bla bla ég var svo gáttuð að ég man ekki einu sinni allt sem hún sagði (er ég 18 ára?)  en HALLÓ....hvað í andsk... kemur henni við hvort og hvernig og hvenær ég ætla að eignast börn eða mann??  Ég gæti verið lesbísk, ætlaði í tæknifjógun (er það ekki annars leyfilegt single konum núna?) nú eða ætlað að eignast barn eftir one night stand (ekki mjög líklegt samt) æjj þið skiljið, henni kemur þetta ekki rassgatans við!!

Er ekki nóg að manni sé "strítt" yfir að vera orðinn svona gamall og eiga hvorki mann né barn að einhver læknir úti í bæ fari líka að skipta sér af því?? Hún veit ekki rassgat hvað ég er búin að ganga í gegnum eða hvað ég ætla mér að gera í lífinu arrrrg ég er svo reið að ég gæti farið og lamið hana!!  Eitt get ég samt sagt ykkur að hún er einum kúnnanum færri núna og ég mun ALDREI stíga fæti inn til hennar aftur hvað þá mæla með henni!!

Úff núna er ég sko búin að pústa sorry að þið þurfið að lesa þetta hehe æ þið þurfið þess ekki neitt

Farin að syngja uppi á Akranesi

Smellið hérna og farðu á bls. 43 sumir eru bara aðeins ljóshærðari en aðrir sorry hehe

Og fram fyrir í röðinni?
„Jájá, ég er búin að vera að gera það í áratug.“ Hvaða
taktík notar maður? „Ég nota bara svona augnaráð. Og
það þarf að sjálfsögðu sjálfstraust. Það er alveg hard
work að byggja upp sínar vinsældir meðal dyravarða.
Það fór mikið eftir því hvaða stelpuhópi maður var
með og svo þurfti að tala þá til. En ég þarf enga taktík
í dag, ég er orðin það þekkt að ég þarf þess ekki.“

Ég fór í ljós um daginn og mikið endalaust er búið að gera grín af mér að hafa skellt mér í ljósatíma haha nema hvað að ég var svo að skoða myndir úr afmælinu sem ég fór í ljós fyrir og viti menn, ég er eins og kríuskítur miðað við alla aðra sjáið bara myndina haha. Nú af því að mér var strítt svo mikið þá fór ég bara í annan tíma á föstudaginn sem er svosem ekki í frásögur færandi nema fyrir það að ég áttaði mig á því hvað fólk í afgreiðslustörfum í dag er svooo ungt.  Pilturinn sem var í afgreiðslunni var að horfa á Cartoon Network hehe

Nú ég er búin að búa til auglýsingu fyrir Commitments tónleikana þannig að ef þið þekkið einhvern sem langar að fara þá endilega sendið mér línu og ég skal senda ykkur auglýsinguna

....ég rosalega dugleg að blogga en ég er einn af lélegustu bloggurum ever þessa dagana.  Kannski er það vegna þess að það er fullt fullt að gera í vinnunni og ennþá meira í einkalífinu.  Nei ég er ekki komin með kall en ég er að syngja á fullu.  Er nottulega alltaf í Gospelsystrum og syng á tónleikum með þeim í næstu viku og svo er það Commitments sem verða líka með tónleika í næstu viku og já svo er ég í hljómsveitinni Góðir Landsmenn og það er ekki langt í að við verðum með ball

Annars er bara gott að frétta, eins og alltaf fer á árshátíð Vodafone á Alicante eftir 16 daga og get bara ekki beðið hehe gott að komast í sólina

Jæja ég hef svosem ekkert mikið að segja, sit hérna heima hjá mér og reyni að vinna með bullandi hálsbólgu og raddleysi sem verður að vera komið í lag fyrir næstu viku annars er ég í djúpum skít

En allavega ef þið hafið áhuga þá endilega kíkið á eftirfarandi:

Gospelsystur, tónleikar í Háteigskirkju 14.maí
Commitments tribute, tónleikar á Akranesi 16.maí
Góðir Landsmenn, ball á Hressó 16.júní

Ég sver það að ég hlýt að vinna í Lottó núna þessa dagana miðað við hvað ég er óheppin í ástum hehehe ég bara á ekki orð   en ég skal láta ykkur vita hvort ég vinni þennan fimmfalda í Lottóinu

.....en úti í þessum heimi er fullt af fólki sem á svo erfitt og hefur lent í svo miklu miklu verra en ég hef nokkurn tíman lent í.  Ég gerði góðverk í kvöld ef það má kalla það góðverk, ég var allavega beðin um far sem ég veitti og ekkert að því nema hvað að ég fékk að heyra hræðilega sögu af þessari ungu konu og þeim hremmingum sem hún lenti í fyrir nokkrum árum síðan.  Hremmingum sem urðu til þess að í dag á hún við ýmis vandamál að stríða og þarf oft og iðulega að dvelja á stofnunum
Ef síðan mín væri læst myndi ég skrifa söguna en það verður að bíða betri tíma og nýrrar síðu sem er í vændum loksins loksins en ég ætla að hætta að kvarta og kveina eins og t.d. yfir því að einhver hafi verið dónalegur við  mig

Ég er búin að lenda ótrúlega eitthvað mikið í dónalegu fólki um helgina og í dag   þetta byrjaði á laugardagskvöldið þegar ég lenti næstum því í rifrildi við konu sem ég ætla nú ekkert að fara nánar út í en þegar ég stóð upp og sagðist ætla að yfirgefa borðið áður en ég færi að rífast við hana þá var ég búin að heyra að ég væri heimsk, veruleikafyrrt og dónaleg og mér fannst ég ekki vera neitt af þessu og fór næstum því að gráta hehe Nú svo fórum við Heiða á Nasa og þar ætlaði Heiða að taka í hendina á manni og segja honum að hún hefði mikið álit á honum og hann neitaði að heilsa henni :/ kommon. Svo í dag fór ég á skyndibitastað og pantaði fyrir tvo og sagði svo að þetta yrði greitt í sitthvoru lagi og þegar ég kom í lúguna sagði afgreiðsludaman "Af hverju léstu mig ekki vita að þú ætlaðir að borga í sitthvoru lagi áður en þú pantaðir?"  Ég var alveg orðlaus og sagði svo við hana að það stæði hvergi á skilti að maður ætti að biðja um það áður en maður pantaði og að ég hefði látið hana vita eftir að ég pantaði og ef hún væri ósátt við það þá hefði hún getað sagt mér það í kurteisi að næst þegar ég kæmi þá væri það nú betra að láta vita áður en pöntun á sér stað, ekki það að mig langar ekkert svakalega að fara þangað aftur   úff ég varð aðeins að pústa

Ég fór með deildinni minn á miðvikudaginn í svona vinnu/hópeflisferð sem endaði á því að við fórum á fjórhjól á Eyrabakka og wow hvað það var sjúklega gaman, nú er ekkert sem heitir að ég verð að fara að taka mótorhjólaprófið.  Pabbi vælir í manni daglega að það verði nú að nota þessi hjól sem eru til og ég held ég drullist bara til að taka hann á orðinu.  Læt fylgja hérna tvær myndir af mér frá þessum degi

Í hláturskasti yfir einum leikjanna sem við fórum í

Mín komin á fjórhjól og var sko alveg að fíla það

Fór á vorfagnað Boot Camp á föstudaginn og ó mæ got það var gaman!!! Byrjaði á því að fara í fyrirpartý með Ernu hjá hópnum mínum en þar voru þeir Drengsson og Sigurgeir búnir að búa til þessa fínu grænu bollu handa liðinu og allir fengu smokk að gjöf svo enginn færi í það að búa til hreinræktaða boot campara hehe nú maturinn var fínn fyrir utan það að hann hefði mátt vera aðeins fyrr á svæðið, maður var aðeins kominn í glas þegar maður fékk að borða nefnilega.  Nú svo voru frábær skemmtiatriði að vanda og bara allir í svaka stuði.  Nú Sálin hans Jóns míns spilaði svo fyrir okkur og ég held að ég hafi dansað af mér fæturna á háum hælum enda tærnar á mér fjólubláar eftir að hafa fengið nokkra fætur á tærnar á mér EN mér er svo skítsama því ÉG fékk að syngja með Sálinni!!! ó mæ got hvað það var gaman hehehe

Stal hérna tveimur myndum sem teknar voru af okkur á Hótel Sögu

Svanhvít og ég í góðum gír

Svanhvít, Erna, ég, Hildur og Elísa með Robba

Nú svo mættum við vinkonurnar ég, Heiða og Sirrý galvaskar í Kolaportið í dag og seldum alls kyns dót og græddum fullt fullt af peningum eða kannski ekki fullt fullt en samt jú þar sem annars hefði þetta dót farið á haugana eða í Góða Hirðinn   Núna eigum við fyrir einum flugmiða og þá er bara að skella sér aftur bráðlega og safna fyrir fleiri flugmiðum  hehehe

....kom að því að ég drullaðist í hljómsveit   Núna verðið þið bara að lofa að mæta á böll hjá mér hehehe, segi ykkur meira seinna